Why Israelites were well known?

दुईठू बात लगीं इसराएली मन महान राहें

1-  ईश्वर उ मन केर संग में राहें

2-  और दूसरा- ईश्वर केर देवल नियम उमन ठिन रहे

मूसा नबी उमन के कहलक – हे इस्राइली मन मोएँ जे नियम और आदेश मन केर शिक्छा तोहरे मन के आइज़ देवाथों उकार उपरे ध्यान देवा और उकार पालन करा जेकर से तोहरे जीवित रहबा और प्रतिज्ञा देश केर अद्धिकरी हौएक परबा ।

ईश्वर केर नियम न केवल इशरेली मन लगीं रहे मगर हमार लगीं हों हेके। ईश्वर केर नियम हमरेके बेस जीवन जिएक में मदाइत करेल।

प्रभु येसु कहेन मोए नबी मन केर नियम के टूटाएक नहीं मगर पूरा करेक आहों ।

नियम का हीके

नियम कहले – कोनो देश चाहे  राइज़ केर अधिकारिक कानून चाहे विधि  हीके जे बताएल की एक आदमी के का करेक आहे और का करेक नखे ।

एहेलेखे, नियम- धर्म मेँ हों आहे। धरम केर नियम के अगर पालन करब तो हमरे धार्मिक और ईश्वरीय राइज़ केर भागीदारी हौएक परब।

प्रभु ई भी कहेन जे मन ईश्वर केर नियम मन के पालन करेन और दोसरा मन के हों पालन करेक कहेन उमन ईश्वर केर राइज़ मे महान काहल जबाएँ ।

सेलगीन परिस्थिति जोनो भी हौओक – बेस आदमी बनेक और नि बनेक मोर उपरे निर्भर करेल।

ईश्वर हों कहाएन मोएं तोहार आगे जीवन और मृत्यु, बेस और अनैस रईख देवथों । तोहरे जीवन के चुना जेकर से तोहरे और तोहार पीढ़ी जीवित रही ।